O Consello de Estado ve motivos para tombar a última manobra secesionista
O Goberno pode decidir este mesmo venres interpoñer un recurso ante o TC pola reforma do regulamento do Parlament.
Interior do Parlamento de Cataluña.
O Consello de Estado considera que existen fundamentos xurídicos para interpoñer un recurso ante o Tribunal Constitucional pola reforma aprobada este mércores no Parlamento catalán para tramitar pola vía urxente as leis de desconexión, segundo informaron a Europa Press fontes do máximo órgano consultivo do Goberno.
A petición de Rajoy, o Consello de Estado pronunciouse en menos de 24 horas e emitiu un ditame por unanimidade no que conclúe que existen fundamentos para recorrer ao TC esa reforma exprés.
O Consello de Ministros analizará na súa reunión deste venres este ditame do órgano e podería aprobar mañá mesmo interpoñer ese recurso de inconstitucionalidade. Está previsto que o propio Mariano Rajoy compareza en rolda de prensa ante os medios de comunicación.
Podes coñecer máis detalles na información de Catalunyapress.
O Parlamento catalán manobra para tramitar de urxencia o referendo e a desconexión
O Goberno catalán si se someterá ao Supremo e ao TC ao verse sen axuda financeira do Estado
Puigdemont: "Se o TC me inhabilita, non aceptarei esa decisión"
Escribe o teu comentario