O Goberno catalán si se someterá ao Supremo e ao TC ao verse sen axuda financeira do Estado
Junqueras anuncia a intención da Generalitat de chegar ata instancias internacionais co asunto.
Oriol Junqueras anuncia os pasos que seguirá a Generalitat.
Se o presidente catalán, Carles Puigdemont, dixo onte que non recoñecería a autoridade do TC ante unha posible inhabilitación, o seu vicepresidente Oriol Junqueras anunciou este martes que presentará un recurso ante o Tribunal Supremo e ante o Tribunal Constitucional contra "a ameaza" do Goberno central de cortar o Fondo de Liquidez Autonómica.
Asegurou, ademais, que isto é un paso previo a levar este mesmo asunto ante instancias internacionais.
Junqueras acusou o Goberno central de querer prexudicar os provedores da Generalitat e os cidadáns e asegura que en ningún caso estas advertencias frearán a celebración dun referendo de independencia: "É evidente que non faremos un referendo utilizando os recursos do FLA".
Escribe o teu comentario