Adriana Lastra participará na tradicional homenaxe do PSdeG a Castelao
Ferraz envía representación ao acto que os socialistas galegos dedican cada 25 de xullo ao intelectual e político galeguista.
Adriana Lastra acompañará aos socialistas galegos o 25 de xullo.
A vicesecretaria xeral do PSOE, Adriana Lastra, participará o vindeiro martes 25 de xullo na tradicional homenaxe que os socialistas renden a Castelao en Rianxo con motivo do Día de Galicia.
Fontes socialistas confirmaron a Europa Press que Lastra se desprazará a Galicia para participar neste acto, que tamén contará coa presenza de cargos orgánicos e institucionais do partido en Galicia, ademais de alcaldes, portavoces e militantes da formación.
A previsión é que interveñan a responsable do partido en Rianxo, Mari Carmen Figueira; a presidenta da xestora en Galicia, Pilar Cancela; e a vicesecretaria xeral do PSOE.
O PP adianta o 25 de xullo e proclama o seu galeguismo na terra de Fraga
O BNG lanza a convocatoria do 'Día da Patria', "a festa de todos os galegos"
Escribe o teu comentario