O Celta nega débedas coa Axencia Tributaria de Galicia
O club celeste perdeu unha subvención autonómica por, supostamente, "non está ao corrente de pago de débedas tributarias en período executivo".
O presidente do Celta, Carlos Mouriño. Foto: RC Celta
O Celta sae ao paso das informacións que apuntan a un atraso nos pagos de impostos e de débeda como causa para que o club vigués perdese unha subveción autonómica.
Segundo recollen varios medios de comunicación, é a xustificación que recolle o DOG para negar a axuda ao Celta: por "non está ao corrente de pago de débedas tributarias en período executivo" e por ter "débedas coa Axencia Tributaria de Galicia".
Entre os clubs de elite que foron beneficiados desta subvención están, entre outros, o Deportivo (6.010,75 euros), o Obradoiro (2.166,67) de baloncesto, o BM Cangas (5.940,86) e a SD Teucro de balonmán (5.521,51) e o Santiago Futsal (5.102,15).
O club celeste emitiu un comunicado para "aclarar que está absolutamente ao corrente nos pagos e non existe tal débeda nin coa Axencia Tributaria de Galicia nin coa de España e, de feito, o RC Celta é na actualidade uno dos equipos máis saneados de fútbol español".
Achegan, así mesmo, un certificado con data do 1 de xuño para xustificar a súa versión.
Escribe o teu comentario