Rajoy e Sánchez coinciden en facerlle fronte ao desafío independentista catalán

|

SanchezrajoymoncloaReunión de máis de dúas horas entre Sánchez e Rajoy.


Mariano Rajoy e Pedro Sánchez, compartiron este xoves unha "coincidencia substancial" en que o referendo independentista en Cataluña é "ilegal" e acordaron seguir en contacto permanente para afrontar o "inaceptable" desafío secesionista que promove o presidente da Generalitat, Carles Puigdemont.


"A prioridade e coincidencia substancial entre ambos é declarar inaceptable este referendo de secesión, unha inaceptable violación sistemática e constante da Constitución e das leis", explicou en rolda de prensa o portavoz do Executivo e ministro de Educación, Cultura e Deporte, Iñigo Méndez de Vigo, despois da reunión, que durou dúas horas e media e que cualificou de "cordial".


COMPROMISO DE SÁNCHEZ


O líder do PSOE comprometeuse a apoiar o Goberno para facer fronte ao desafío independentista en Cataluña, pero púxolle condicións urxíndoo a iniciar un diálogo coa Generalitat e desvelando que o primeiro partido da oposición non apoiaría aplicar o artigo 155 da Constitución para forzar as autoridades catalás a cumprir a lei.


A portavoz parlamentaria do PSOE, Margarita Robles, informou do contido da reunión nunha comparecencia ante os medios de comunicación no Congreso dos Deputados. Robles lembrou que tras cinco anos de conflito, o problema con Cataluña foi a "peor" e advertiu de que o Executivo non pode facer "abandono" da súa responsabilidade de tentar ofrecer unha saída ao conflito, que ha de pasar necesariamente por abrir a vía do "diálogo". Non basta con "atrincheirarse" en formulacións "puramente defensivas", segundo Sánchez.


Amplía esta información en Pressdigital.

relacionada O TC deixa sen orzamento o referendo independentista catalán
relacionada Se gaña o 'si', a independecia catalá sería cuestión de 48 horas

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress