A Agrupación Alexandre Bóveda pide garantir que o fondo da Barrié queda en Galicia

Unha das obras da Fundación Barrié, 'Muller con cabra' (1927) de Maruja Mallo // Agrupación Alexandre Bóveda

A Agrupación Cultural Alexandre Bóveda instou á Xunta de Galicia a "garantir" que o fondo da Fundación Barrié quede en Galicia, tras a venda do Banco Popular ao Santander.

Respecto diso, lembra que a fundación é propietaria "dun importante patrimonio documental e unha importante colección artística". Entre eles, lembra que están os fondos de Carlos Martínez Barbeito, de Domingo García Sabell e de Víctor Said Armesto.

A iso, suma a colección de arte contemporánea "con nomes como Jessica Stockholder, Katharina Grosse ou os galegos Ánxela de la Cruz, Pepa Galán ou Manuel Vilariño", cita, entre outros exemplos. A iso, suma cadros de Luís Seoane ou Maruxa Mallo, entre outros.

Por iso, desde a Agrupación Cultural piden á Xunta "que garanta que todo ese fondo documental e artístico da Fundación Barrié da Maza quede no noso país e non poida ser vendido", conclúe.