A Xunta poñerá en marcha 30 novas casas niño no rural

|

Casanidofeijoo


Galicia sumará outras 30 novas casas niño para outros tantos concellos do rural da comunidade. Cada unha atenderá a un máximo de nenos de entre 0 e 3 anos, cun horario flexible e "máximas garantías de calidade".


Anunciouno o presidente da Xunta, Alberto Núñez Feijóo, quen destacou a investimento de arredor de 2,4 millóns de euros, e sinalou que as novas casas niño para municipios de menos de 5.000 habitantes sumaranse ás 30 que xa funcionan na comunidade.


Feijóo felicitou á Consellería de Política Social por esta decisión "de enorme audacia", pola que manifestou a súa satisfacción" e concretou o bo funcionamento das casas niño que xa empezaron a funcionar "de forma pioneira" na comunidade, cuxa ocupación supera o 93 por cento.


Os fogares ofrecerán atención diúrna de luns a venres, en un máximo de oito horas diarias para cada neno e un horario que será pactado co profesional.


Esta liña de axudas está destinada a aquelas persoas ou cooperativas de traballo que queren instalar unha casa niño no concello no que residen.


REQUISITOS


Quen desexe acceder a estas axudas deberá dispoñer dun título de técnico superior en educación infantil; de grao en educación infantil ou primaria, psicoloxía, pedagoxía ou educación social; formación ou experiencia profesional acreditada en atención á infancia; ou ben o diploma que acredita realizar o curso de formación para casas niño que imparte a Xunta.


Así mesmo, a vivenda na que se instalará casa niño debe cumprir unha serie de requisitos tamén, como ter un sistema de calefacción con protección dos elementos calefactores; unha sala con iluminación e ventilación naturais e un mínimo de catro metros cadrados por menor.


Tamén deberán contar cunha zona diferenciada para o descanso e a hixiene infantil; outra zona para a preparación, almacenamento e conservación de alimentos; elementos de protección de enchufes, portas e xanelas; e mobiliario e equipamento básico para a atención dos nenos.


Ademais, deberán dispoñer dun plan de actuación cos nenos para atender eventuais emerxencias que se poidan producir en cásaa niño.


67 CONCELLOS


Esta convocatoria de axudas subvencionará a reforma e adaptación da vivenda, o seu equipamento e a prestación do servizo, cunha axuda máxima para reformar e equipar cada casa niño de 15.000 euros, mentres que a achega pola prestación da atención personalizada consistirá nunha prima de 19.600 euros ao ano.


A Xunta lembrou que, a día de hoxe, hai 67 concellos de menos de 5.000 habitantes que cumpren estes requisitos e nos que se podería instalar unha casa niño.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress