Cazan por quinta vez a un lugués conducindo sen carné
Perdeu todos os puntos do permiso e agora impútanlle o seu quinto delito contra a seguridade viaria.
A Policía Local de Lugo imputou por quinta vez un delito contra a seguridade viaria a un individuo por circular ao volante dun turismo a pesar de que perdera todos os puntos do carné.
Segundo informou a Policía Local, o condutor J.S.G. foi interceptado na rúa Mondoñedo ao volante dun turismo con matrícula 0844-FKC.
As mesmas fontes policiais destacaron que esta persoa "é reincidente" porque "é a quinta vez que se lle imputa o mesmo delito".
O camioneiro que multiplicaba por dez o límite de alcol perde o carné durante dous anos
Cazan no centro de Lugo un condutor que acumulaba todas as ilegalidades posibles
Escribe o teu comentario