O PSG de Vero Boquete cae na final e queda sen a súa primeira Champions
O Lyon impúxose na quenda de penaltis e consegue conquistar o máximo título continental por cuarta vez, ademais da liga e a Copa francesas.
Vero Boquete, nun lance do partido. //Foto: UEFA
O Lyon derrotou nos penaltis en Cardiff o PSG de Vero Boquete, que queda sen saborear a que sería a primeira Champions nas vitrinas do club parisiense. A final foi a mesma que a da Copa de Francia que disputaron ambos os equipos hai dez días, cun guión similar. O Lyon asina así o seu triplete esta tempada.
Vero Boquete, quen xa gañou o trofeo co FFC Frankfurt hai dous anos, non xogou de inicio, saíu desde o banco no 56', a tempo para disputar a prórroga e transformar daquela o penalti que lle tocou tirar. Na primeira metade, o PSG conseguiu frear o Lyon, e mesmo tivo oportunidades para adiantarse no marcador.
Na segunda parte ambos os equipos volveron saír con intensidade, pero nin unhas nin outras lograron anotar. Co 0-0 chegouse á prórroga e 0-0 terminou, sen ocasións e con claros signos de cansazo en ambos os conxuntos. O 7-6 na quenda manda a copa a Lyon.
Verónica Boquete loita por conquistar a súa segunda Champions
Escribe o teu comentario