A Audiencia Nacional cita a Rajoy a declarar fisicamente o 26 xullo
O tribunal considera que a seguridade do presidente está garantida para rexeitar a súa pretensión de comparecer a través dunha pantalla.
Nada de videoconferencia, o tribunal que xulga a primeira época da trama Gürtel (1999-2005) citou ao presidente do Goberno, Mariano Rajoy, o próximo día 26 de xullo ás 9.30 horas para que compareza de forma presencial, en calidade de testemuña, na sala na que segue o proceso.
A Sala adoptou esta decisión co voto en contra do presidente do tribunal, Anxo Furtado, para quen a declaración de Rajoy debía realizarse por videoconferencia.
O tribunal considera que a seguridade do presidente está garantida e rexeita o argumento dun despregamento desmesurado de medios económicos dado que a presenza de Rajoy no xuízo require tan só o seu desprazamento uns 18 quilómetros ata a sede da Audiencia Nacional na localidade de San Fernando de Henares (Madrid).
Rajoy solicita declarar por videoconferencia no caso Gürtel
Escribe o teu comentario