Alerta por tormentas en varias zonas da Comunidade

Varias zonas de Galicia atópanse en alerta por tormentas, nunha xornada na que, ademais das altas temperaturas, a inestabilidade atmosférica foi en aumento, dando lugar a chuvascos tormentosos.

Segundo informa Meteogalicia en senllos boletíns, o aviso amarelo por tormentas concéntrase na franxa entre as 12,00 e as 21,00 horas tanto este xoves como o venres.

Así, ata as 21 horas deste xoves, o centro meteorolóxico advirte de choivas acompañadas de tormenta e saraiba, que poderían ser localmente fortes, en toda a provincia de Ourense; o centro, o sur e a montaña de Lugo, así como o interior de Pontevedra.

Para este venres, mantense a previsión de inestabilidade atmosférica e as altas temperaturas que viviu Galicia nas últimas horas, que xa baixaron, experimentarán un descenso aínda máis acusado.