Estado Islámico reivindica o atentado de Manchester
Hai máis dunha vintena de mortos e 50 feridos | A explosión tivo lugar no Manchester Arena, cando acababa un concerto da cantante Ariana Grande.
O grupo terrorista Estado Islámico reivindicou a responsabilidade polo atentado suicida que acabou coa vida de polo menos 22 persoas e deixou máis de 50 feridos no estadio Manchester Area este luns.
O grupo terrorista vén de facerse cargo do atentado nunha mensaxe publicada na axencia de noticias Amaq, no que asegurou que o ataque foi obra dun "soldado do califato". O grupo terrorista dixo que o seu "soldado" colocou varias bombas e non menciona que morrese no ataque.
Estado Islámico xa ameazara en repetidas ocasións con atentar no Reino Unido. O grupo terrorista reivindicou a autoría do ataque nos arredores do Parlamento de Westminster que deixou cinco mortos o 22 de marzo.
A Policía de Manchester informou este martes que detivo a un home de 23 anos de idade pola súa suposta relación co atentado.
"En relación co incidente da pasada noite no Manchester Arena, podemos confirmar que arrestamos a un home de 23 anos no sur de Manchester", asegurou a Policía nunha mensaxe publicada na súa conta oficial da rede social Twitter.
Minutos antes, a primeira ministra británica, Theresa May, asegurou nunha comparecencia ante a prensa que os investigadores cren ter identificado o autor do ataque suicida.
ATENTADO
A Policía británica confiromou a morte de 22 persoas na explosión rexistrada esta noite no Manchester Arena, cando os asistentes saían ao termo dun concerto da cantante Ariana Grande, agregando que se tratou dun atentado suicida.
O xefe da Policía de Manchester, Ian Hopkins, afirmou que o atacante "traía un artefacto explosivo improvisado que activou, causando esta atrocidade", segundo informou o diario local 'The Guardian'.
Podes ampliar esta información en PressDigital.
Escribe o teu comentario