O Estado Islámico reivindica a autoría do atentado de Londres

O grupo terrorista Estado Islámico reivindicou este xoves a autoría do atentado rexistrado este mércores xunto ao Parlamento británico en Londres a través da súa axencia de noticias Amaq.

Dúas persoas morreron atropeladas na ponte de Westminster e un axente morreu apuñalado polo agresor, que foi abatido a tiros pola Policía no patio de acceso do Parlamento.

Segundo revelou este xoves a primeira ministra, Theresa May, o autor do atentado naceu no Reino Unido e foi investigado no pasado polo MI5 por extremismo violento pero como "figura periférica" e actualmente non se atopaba no radar dos servizos antiterroristas