Lopetegui chama de novo a Aspas na convocatoria da selección

O dianteiro do Celta está na lista dos próximos dous partidos, un amigable e outro, fronte a Macedodia, oficial para meterse no Mundial de Rusia.


|

Aspasseleccionuniformehoriz


Iago Aspas entra na súa terceira lista consecutiva para os compromisos da selección que leva Julen Lopetegui. O de Moaña recibiu a chamada do seleccionador esta mañá tras o adestramento.


A Selección enfróntase a Colombia nun amigable en Murcia o día 7 e medirase a Macedonia nun encontro da clasificación para o Mundial de Rusia o día 11. Ademais de Aspas, que parece ser xa un dos habituais de Lopetegui, as principais novidades na lista son a presenza do porteiro do Athlétic Kepa e de Marco Asensio.



Aspas debutou no amigable de Wembley contra a selección inglesa en novembro, aínda que non foi titular. A súa primeira chamada foi para cubrir a baixa de Diego Costa.


O dianteiro celeste cumprirá 30 anos en agosto e a falta dunha xornada de liga é o máximo goleador español da tempada, con 18 tantos. Unha conta que poderá engrosar esta fin de semana, pois o Comité de Competición retiroulle a segunda amarela vista de maneira inxusta no partido contra o Real Madrid.

relacionada Aspas volve contar para os plans de Lopetegui na selección

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE