O Goberno de España non se aminala ante os tecno-oligarcas a pesar das ameazas de Musk ou Dúrov
Os donos de Twitter e Telegram emitiron duras mensaxes contra o presidente do Goberno de España, Pedro Sánchez, despois do anuncio do mandatario sobre o plan do Executivo para prohibir o acceso aos menores de 16 anos ás redes sociais. Lonxe de moderar o ton, Sánchez mantén o pulso contra as grandes compañías dixitais.
Musk acusou a Sánchez de ser un “tirano”, "fascista" e "traidor a España”, mentres que Dúrov mandou unha mensaxe a millóns de usuarios de Telegram criticando as medidas do Goberno.
"Deixa que os tecno-oligarcas ladren, Sancho, é sinal de que cabalgamos", respondeu Sánchez en Twitter. Nin o presidente nin o Goberno de España nin Moncloa parecen ter intención de abandonar os seus perfís nestas redes sociais.
Escribe o teu comentario