A Xunta asegura o seu "compromiso" coa actividade e o emprego en Ferroatlántica

|

Franciscoconde


O conselleiro de Economía, Emprego e Industria, Francisco Conde, asegurou que a Xunta "seguirá comprometida" co mantemento da actividade industrial e o emprego en Ferroatlántica, para o que "continuará actuando con total transparencia e diálogo".


Así se pronunciou este mércores durante o pleno do Parlamento de Galicia en resposta a unha pregunta formulada pola deputada do Bloque Noa Presas, quen pediu ao conselleiro que "fale claro" sobre se o Goberno galego permitirá a "autorización da venda das centrais hidroeléctricas do Xallas".


Respecto diso, Francisco Conde volveu a sinalar que a empresa "non fixo ningún tipo de solicitude á administración" en relación á venda destas centrais. "Neste momento non existe ningún tipo de solicitude, se iso se produce haberá que resolver o expediente e cumprir a lei", apuntou.


Ademais, ante as críticas de "falta de diálogo" cos traballadores formuladas pola parlamentaria socialista, o conselleiro asegurou que "manterá informados en todo momento aos traballadores" se se produce algún cambio na situación. "O Goberno galego seguirá actuando con coherencia, contundencia e transparencia tanto cos traballadores como cos alcaldes da comarca", sinalou.


SECTOR TÉXTIL EN ORDES


Por outra banda, na sesión plenaria, a deputada socialista tamén preguntou ao conselleiro de Economía, Emprego e Industria sobre as xestións da Xunta para apoiar o sector téxtil no concello coruñés de Ordes ante a "perda continuada" de empregos e, en concreto, polo ERE que afecta o Grupo Deus.


Sobre este punto, sinalou que a Xunta "defende os dereitos" de laborais das traballadores deste grupo para o que este xoves manterá unha reunión co alcalde do municipio e o persoal.


"Non é a primeira reunión que mantemos, xa nos reunimos co Igape e coa secretaria xeral de Emprego non só para garantir os dereitos dos traballadores senón tamén para buscar vías de colaboración para impulsar o sector na comarca", sinalou para destacar tamén que a Xunta traballa para identificar "posibilidades de desenvolvemento futuro".

relacionada O BNG pide unha comisión de investigación sobre as adxudicacións ao grupo de Villar Mir
relacionada A Xunta non recibiu "solicitude oficial de segregación de Ferroatlántica"

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE