A Xunta reactiva este martes os permisos para queimas agrícolas e forestais
O xoves 11 será o primeiro día para realizar queimas previamente documentadas, tras a prohibición mantida as últimas semanas polas condicións climatolóxicas.
// Campo Galego
A Consellería do Medio Rural permitirá de novo a partir deste martes tramitar permisos para facer queimas de restos agrícolas e forestais de acordo coa normativa de aplicación, debido á diminución do risco de incendios forestais polas condicións meteorolóxicas.
Así, o xoves, día 11, será o primeiro día para realizar queimas previamente documentadas, tras a prohibición mantida as últimas semanas polas condicións climatolóxicas.
Os cidadáns que desexen queimar restos agrícolas amontoados nas zonas que determina a lei deberán comunicalo dous días antes de realizala. No caso de queimas de restos forestais, deberá solicitarse unha autorización, sendo maior o proceso de tramitación. En todo caso, a Xunta lembrou que as autorizacións deixan de ter validez os días nos que hai vento e altas temperaturas.
Escribe o teu comentario