O Estado convoca varios procesos selectivos para cubrir máis de 1.300 prazas

|

Opositores 2


O Ministerio de Facenda e Función Pública publicou este luns no Boletín Oficial do Estado (BOE) a convocatoria de diversos procesos selectivos para cubrir case 1.350 prazas na Administración, algunhas de ingreso libre e outras por promoción interna.


En concreto, convócanse case 950 prazas de acceso libre para o ingreso como persoal laboral fixo nos Ministerios e organismos autónomos de Defensa, Agricultura, Economía, Educación, Xustiza, Fomento, Presidencia, Interior, Facenda, Emprego e Enerxía. Tamén se convocan 18 prazas para ingresar no Centro Superior de Investigacións Científicas (CSIC).


O BOE publica ademais a convocatoria de procesos selectivos para 400 prazas para o ingreso, por promoción interna, como persoal laboral fixo na Administración Xeral do Estado (AGE).


A maior parte das prazas van destinadas a titulados e técnicos superiores, a titulados medios e oficiais.


O Ministerio de Defensa é o que máis prazas de acceso libre convocou nas resolucións recollidas este luns no BOE, con máis de 500 prazas, seguido do Ministerio de Educación, con máis de 150 prazas, e do de Agricultura, con preto de 70.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress