O número dous de Interior defende que non mediou en favor do irmán de Ignacio González

|

Joseantonionietozoido


O secretario de Estado de Seguridade, José Antonio Nieto, asegurou este venres no Congreso que aínda non sabe de que se lle acusa por recibir no seu despacho a Pablo González, directivo de Mercasa e irmán do ex presidente da Comunidad de Madrid Ignacio González, e criticou que "se queira construír un relato con fragmentos dun sumario supostamente secreto".


Segundo o 'número dous' de Interior, ese "suposto sumario supostamente secreto" "manoseouse e terxiversouse" para dar a entender que mediou desde o Ministerio do Interior nunha investigación que, dixo, descoñecía ata que estalou o 19 de abril coas primeiras detencións da 'operación Lezo'.


José Antonio Nieto centrou boa parte da súa intervención ante a Comisión de Interior do Congreso en que "non aparece o sumario que todo o mundo di ter pero que ninguén mostra".


A verdade para el, dixo, é que o xuíz da Audiencia Nacional Eloy Velasco, os fiscais e os investigadores da Unidade Central Operativa (UCO) da Garda Civil actuaron con "liberdade" e "independencia" a partir dunha denuncia da presidenta da Comunidad de Madrid, Cristina Cifuentes.


"Xamais houbo inxerencias", continuou o 'número dous' de Interior, que pediu que se espere á decisión do xuíz instrutor antes de seguir lanzando acusacións "supostamente dun sumario supostamente secreto". "Non somos bestas salvaxes, non nos tratemos coma se o fósemos", pediu aos deputados da oposición.

relacionada O número dous de Interior responderá pola reunión co irmán de Ignacio González
relacionada Rajoy non reprende a Catalá nin a Zoido polos seus contactos con investigados por corrupción
relacionada Zoido nega "ningunha ilegalidade" en adxudicar un piso ao seu ex 'número dous'

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1


Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress