O número dous de Interior responderá pola reunión co irmán de Ignacio González

O secretario de Estado de Seguridade, José Antonio Nieto, anunciou este domingo que ten intención de solicitar "a petición propia" a súa comparecencia no Congreso dos Deputados, "se non o fai o PSOE", tras os feitos coñecidos sobre a operación 'Lezo', á vez que subliñou que non ten "nada que ocultar" e está "absolutamente tranquilo".

En declaracións aos xornalistas na localidade cordobesa de Priego de Córdoba, o número dous do Ministerio do Interior explicou que no momento que se reuniu con Pablo González, o irmán do ex presidente da Comunidad de Madrid Ignacio González, o día 8 de marzo "non tiña ningunha referencia de que se estaba producindo unha investigación, como a que logo se soubo e que se denomina operación 'Lezo', e moito menos que nesa operación puidese estar afectada esta persoa".