Identificadas as persoas que botaron sete ovellas ao río por unha ofrenda relixiosa

A Garda Civil identificou a varios cidadáns romaneses como as persoas que o pasado domingo botaron sete ovellas ao río Trabe, ao seu paso por Vilaboa, no municipio coruñés de Culleredo, segundo informa. En concreto, vincula o ocorrido cunha ofrenda relixiosa.

Por estes feitos, os efectivos do Seprona da Comandancia da Coruña procederon a dar conta ás diferentes autoridades administrativas pola comisión de varias infraccións contra a normativa de augas, sanidade animal e sanitaria, que cometerían os agora identificados.

En concreto, sobre as 16,00 horas do pasado 23 de abril, tívose coñecemento de que unhas persoas arroxaran os corpos sen vida de sete ovellas ao río Trabe ao seu paso por Vilaboa (Culleredo).

Iniciadas as investigacións en colaboración coa Garda Civil de Arteixo e a Policía Local de Culleredo, púidose interceptar un vehículo na Zapateira no cal viaxaban dúas persoas que manifestaron realizar unha ofrenda de carácter relixioso e que descoñecían que estaba prohibida pola lexislación española.