Ourense podería converterse en "símbolo mundial" da enerxía xeotérmica

|


Burgasourensenadalvazquez

// @jesus_ourense


O Ministerio de Enerxía e o Concello de Ourense presentaron este mércores un proxecto que pretende aproveitar os recursos xeotérmicos e a auga termal que hai debaixo da cidade para xerar calefacción, aire acondicionado e enerxía eléctrica, e converter á cidade nun "símbolo mundial" da enerxía sustentable.


Así o defendeu o ministro de Enerxía, Turismo e Axenda Dixital, Álvaro Nadal, tras asinar xunto ao alcalde Jesús Vázquez a posta en marcha dun Plan de Acción Local Enerxético, no que tamén colaborará o Instituto para a Diversificación e o Aforro da Enerxía (IDEA).


O proxecto, que ten unha primeira fase de dous anos, pretende crear grupos de traballo conxuntos que permitan "identificar" iniciativas piloto para o aproveitamento enerxético das augas termais que existen no subsolo de Ourense.


O ministro informou de que está previsto acometer un estudo no barrio da Ponte (xunto ao río Miño), onde residen máis de 27.000 habitantes e no que se sitúan numerosos edificios públicos que poderían beneficiarse da enerxía xeotérmica.


EN PRIMEIRA LIÑA DA REVOLUCIÓN CLIMÁTICA


Álvaro Nadal defendeu que esta zona podería acoller un sistema de "calefacción de distrito" e ser o punto de partida de "o que pode ser un exemplo a nivel mundial do aproveitamento da enerxía xeotérmica" que "fará singular á cidade" e poñeraa "en primeira liña da revolución climática e enerxética do século XXI".


O ministro destacou as posibilidade que supón para a cidade a súa "situación termal única", avalada polos estudos do Instituto Xeolóxico e Mineiro de España (IGME).


Segundo os datos do IGME, no subsolo da cidade existen augas termais con temperaturas entre os 50 e os 90 graos centígrados a unha profundidade de entre 500 e 1.500 metros.


Estas manifestacións termais poderían alcanzar ata os 130 graos a maiores profundidades, o que permitiría o seu aproveitamento para xerar electricidade de forma non contaminante.


Para Jesús Vázquez a firma deste acordo supón un "paso decisivo" para converter a Ourense "nunha cidade sustentable" e para "aproveitar os recursos" únicos que se esconden no seu subsolo. "A través dunha comisión iremos xestionando e xestando proxectos por un período de dous anos", destacou o alcalde

relacionada Feijóo anuncia unha lei de augas termais para a provincia de Ourense
relacionada Baltar pretende impulsar "trens lanzadeira" entre Ourense e as vilas da provincia

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1


Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress