Fronte común de alcaldes da Coruña contra a exención do IBI á AP-9
A Coruña, Santiago de Compostela, Ames, Teo, Padrón e outros municipios da provincia por onde pasa a autoestrada unen forzas para non perder este cuantioso ingreso para as súas arcas.
O alcalde de Abegondo, José Antonio Santiso, organiza este xoves, 20 de abril, un encontro de alcaldes dos municipios da provincia da Coruña por onde pasa a autoestrada AP-9. O obxectivo será realizar unha causa común para loitar pola supresión da actual exención do 95% do IBI á concesionaria, o que supoñería un ingreso anual cuantioso para os Concellos.
Está prevista a asistencia de alcaldes ou concelleiros dos seguintes Concellos: A Coruña, Culleredo, Cambre, Oleiros, Abegondo, Betanzos, Mesía, Ordes, Oroso, Santiago de Compostela, Ames, Teo, Padrón, Ferrol, Neda, Cabanas, Pontedeume, Paderne e Bergondo.
Escribe o teu comentario