Un incendio con cinco focos arrasa 40 hectáreas en Cervantes
Iniciouse case ás dúas da madrugada e puido ser estabilizado pasadas as cinco da tarde. | Extinguidos todos os focos do de Carballeda de Valdeorras.
Un incendio forestal iniciado á 1:45 da madrugada no concello lugués de Cervantes, na parroquia de Vilaspasantes, quedou estabilizado pasadas as 17:30 desta tarde e a súa extensión mantense nas 40 hectáreas, segundo as estimacións provisionais da Consellería do Medio Rural.
O lume estivo formado por ata cinco focos e no seu control traballan 3 axentes, 9 brigadas e 5 motobombas.
CARBALLEDA DE VALDEORRAS
O incendio que desde o pasado venres afectaba á parroquia de Soutodairo do municipio ourensán de Carballeda de Valdeorras quedou extinguido ao redor das 14,25 horas deste domingo.
Neste incendio houbo seis focos simultáneos, que segundo as últimas estimacións provisionais afectaron en total á unhas 137 hectáreas de monte raso. O resto dos puntos quedaron extinguidos ao redor das nove da noite.
Na extinción deste incendio traballaron 1 técnico, 13 axentes, 28 brigadas, 3 motobombas, 7 helicópteros e 1 avión.
Un incendio forestal queima 100 hectáreas en Carballeda de Valdeorras
Extinguido o incendio forestal rexistrado en Cervantes
Escribe o teu comentario