Expertos galegos ven nos Orzamentos un "comportamento oportunista"

|

Cuentasfacturasordenadores


Expertos en economía do Grupo Colmeiro apuntaron que o borrador dos Orzamentos Xerais do Estado (PGE) reflicte que son "os dun goberno sen maioría" e que, por tanto, deben "contextualizarse" na necesidade de chegar a pactos cos demais grupos políticos para a súa aprobación definitiva.


Así, como informa o Grupo Colmeiro a través dun comunicado emitido este sábado, os orzamentos evidencian o "comportamento oportunista dos políticos españois, que inflúe no ciclo económico e orzamentario".


Deste xeito, para o catedrático de Economía, Luís Caramés, a necesidade do PP de alcanzar acordos para a aprobación dos PGE fai que existan "uns equilibrios territoriais con énfases diferentes".


No caso de Galicia, Caramés sinalou que a partida destinada á comunidade galega sufriu un "severo recorte", polo que "tería que executarse o 100% cun tempo de execución moi reducido".


Así as cousas, ve xustificado que o presidente galego, Alberto Núñez Feijóo, anunciase a creación dunha comisión de seguimento sobre a execución do orzado para Galicia.


PRESUPOSTOS "DE TRANSICIÓN"


Pola súa banda, o profesor de Economía da USC, Miguel Vázquez Taín, os PGE presentados polo Goberno central son "de transición" nos que "afloran os problemas estruturais do sector público español que ameazan a súa sustentabilidade a longo prazo".


Para Vázquez Taín "a débeda e as pensións" figuran como "elementos visibles", aínda que "impiden ver o problema de fondo: a falta de reestruturación do sector público", unha cuestión que debe ser abordada para "reorientar e priorizar a política económica facéndoa sustentable no tempo".

relacionada Cruzada para que os Orzamentos inclúan o saneamento da ría de Ferrol
relacionada A Xunta, "relativamente contenta" malia a caída en investimento de Fomento en Galicia

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1


Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress