A campaña da biopsia líquida, a menos de 50.000 euros de lograr o seu obxectivo
Polo momento, leva 450.067 euros recadados e miles de persoas e colectivos colaborando e apoiando a campaña posta en marcha en xaneiro.
Oncomet encara os catro últimos días da campaña de micromecenazgo para o estudo da biopsia líquida a menos de 50.000 euros do seu obxectivo. Polo momento, leva 450.067 euros recadados e miles de persoas e colectivos colaborando e apoiando a campaña posta en marcha en xaneiro polo grupo de Oncoloxía Médica Traslacional do Instituto de Investigación Sanitaria de Santiago de Compostela (Oncomet).
O director de Oncomet, Rafael López, e membros do grupo de investigación informaron este sábado pola mañá na Praza de Abastos sobre os pormenores e as vantaxes da biopsia líquida na loita contra o cancro, pedindo un empuxón final nos últimos días de campaña.
Á mesa informativa uniuse o actor e presentador Manuel Manquiña, quen mostrou o seu apoio ao estudo da biopsia líquida.
Esta nova técnica de loita contra o cancro permitiría, indicou Oncomet, "adiantar o diagnóstico e tratar a enfermidade en estados máis temperáns, seleccionando mellor os tratamentos".
Escribe o teu comentario