O alcalde de Ourense non descarta someterse a unha cuestión de confianza

|

Jesusvazquezalcaldeourense


O alcalde de Ourense, o popular Jesús Vázquez, defendeu que os orzamentos que o seu goberno articula para este ano son "realistas" e "pensados para a xente" e non descartou someterse a unha cuestión de confianza no caso de que non sexan aprobados.


"Non tería ningún problema en someterme a unha cuestión de confianza se fose necesario", dixo Vázquez nunha entrevista na Radio Galega, na que, con todo, mostrou a súa confianza en que as contas locais conten cos apoios necesarios.


O rexedor indicou que os orzamentos, que este ano terminarán con "débeda cero" e un remanente de 50 millóns, fan especial fincapé "na parte social".


"Logramos uns ingresos de 106 millóns e toca reducir os impostos, e ademais conseguimos 45 millóns a través de convenios con outras institucións dedicados a investimentos", dixo Vázquez sobre os orzamentos, que terá que "negociar" co resto de grupos da corporación local.


AVE A OURENSE


Sobre a chegada do AVE a Ourense, o rexedor popular ha reclamado "compromisos claros e non promesas". "Queremos un apoio decidido do Estado", sentenciou.


Así, Jesús Vázquez recoñeceu o seu desacordo co anuncio realizado por Fomento sobre a licitación da variante de Ourense en 2019, polo que ten pedida xa unha reunión co seu responsable, Íñigo de la Serna. "Hai que buscar un punto de encontro e hai cuestións ás que nunca imos renunciar", dixo.

relacionada Os PGE garanten a chegada do AVE a Galicia no terceiro trimestre de 2019
relacionada O PSOE de Ourense alerta de actuacións clientelares no Concello
relacionada Jesús Vázquez augura dous anos máis de ruxerruxes sobre unha moción de censura

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1


Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress