Atopan un home accidentado en Noia grazas a que enviou a súa localización nunha mensaxe
Estaba ferido, pero non sabía precisar ao 112 onde se atopaba. Por sorte, puido mandar a súa localización de GPS.
Un home accidentado este mércores nun accidente de tráfico en Noia foi localizado ao avisar da súa localización a través dunha mensaxe de móbil ao 112 Galicia.
O condutor resultou ferido sobre as 14,20 horas nun accidente ocorrido nun camiño de Nimo, na parroquia de Roo (Noia). Tras iso, o home chamou ao 112 e sinalou que descoñecía onde se atopaba.
Ante esta situación, recorreu a enviar a través do seu móbil unha localización de GPS ao servizo de emerxencias, o que permitiu situar a súa incidencia de forma precisa.
Foron avisados, entre outros, Urxencias Médicas, Bombeiros de Boiro, Grumir de Noia, Protección Civil, Policía Local e Garda Civil de Tráfico. O ferido foi trasladado polos efectivos sanitarios ao Complexo Hospitalario Universitario de Santiago.
Falece unha persoa nun accidente de tractor en Carballo
Evacuada ao CHUS unha ocupante dun coche que se precipitou por un terraplén en Muros
Escribe o teu comentario