O sindicato internacional de estibadores desconvoca as protestas deste xoves
Portos de todo o mundo tiñan previstas mobilizacións, pero consideran que o 'non' do Congreso é "unha gran oportunidade" para facer posible un pacto.
O sindicato internacional de estibadores desconvocou as mobilizacións previstas nos portos de todo o mundo o vindeiro xoves, 23 de marzo, en apoio ao colectivo español, despois de que o Congreso tombase o pasado día 16 o decreto lei co que o Goberno articulaba a reforma do sector en España.
Para o International Dockwokers Council (IDC), o 'non' do Congreso á reforma da estiba constitúe un "paso adiante", pero tamén "unha gran oportunidade para que os traballadores, xunto ao Goberno e a patronal poidan pactar as mellores condicións para remodelar o sector cumprindo con Europa".
O sindicato internacional asegurou ademais que se manterá á "expectativa" do devir destas próximas reunións do sector en España.
"Os traballadores esperan unha negociación franca, partindo de cero, que lles permita resolver a súa situación, atendendo á legalidade internacional e, sobre todo ao mantemento das condicións laborais existentes na actualidade", asegurou o IDC nun comunicado.
Bruxelas advirte a España que se non reforma a estiba, haberá "multas económicas"
O Congreso rexeita o decreto lei de reforma da estiba
Fomento fracasa no seu intento de acordo sobre a reforma do sector da estiba
O Goberno, convencido de ter un as na manga na reforma da estiba
Escribe o teu comentario