Segundo incendio en 24 horas no parque natural Baixa Limia-Xurés
O deste sábado entrou desde Portugal e afectou a unha superficie de 20 hectáreas. O lume do domingo tamén quedou extinguido nas 20 hectáreas.
A Consellería do Medio Rural informou dun novo lume forestal na localidade ourensá de Entrimo, concretamente na parroquia de Venceáns. O departamento autonómico concretou que o lume se iniciou ás 17,15 horas do domingo e quedou extinguido ás 2,13 horas deste luns.
As últimas estimacións sitúan a superficie afectada nunhas 20 hectáreas rasas no parque natural Baixa Limia-Serra do Xurés, segundo indicou Medio Rural. Nos traballos de extinción participaron dous axentes, oito brigadas, seis motobombas, unha pa e dous helicópteros.
Xusto este sábado a última hora, os medios contra o lume lograron extinguir outro incendio forestal rexistrado tamén na parroquia de Venceáns, e que afectou a unha superficie de 20 hectáreas no parque natural Baixa Limia-Serra do Xurés.
O lume, que entrou por Portugal, iniciouse ás 17,35 horas deste sábado e quedou extinguido ás 21,45 horas.
Extinguidos os incendios de Quiroga e Viana do Bolo tras queimar 80 hectáreas
O goteo de incendios forestais continúa ás portas da primavera
Escribe o teu comentario