Sobe este martes a bombona de butano ata os 13,52 euros

|

Gasbutanococina


O prezo máximo da bombona de butano unha vez incluídos os impostos experimentará este martes 21 de marzo unha nova suba do 5%, ata 13,52 euros, co que acumula incrementos do 20% desde xullo do ano pasado, indicaron a Europa Press fontes do sector.


As fontes explican que a subida responde ao continuado encarecemento das materias primas e que, de recollerse na súa totalidade o aumento de custos, a alza na revisión de marzo debería ser do 14%, ata 14,74 euros por bombona.


Con todo, como xa ocorreu en bimestres anteriores e como establece a normativa, o incremento limitouse ao 5%, á vez que o importe que as empresas deixarán de ingresar pola insuficiencia de ingresos engrosará o déficit de tarifa do sector.


Coa nova suba, o butano acumula catro revisións bimestrais á alza con respecto ao nivel fixado polo Goberno en xullo de 2016, de 11,25 euros. Ese mes, a bombona tocou chan tras unhas secuencia de caídas que a abarataban un 35% desde os niveis de 2015.


A pesar das novas subas, o butano atópase aínda un 22% por baixo dos 17,5 euros rexistrados ata marzo de 2015. A diferenza con respecto a aquel máximo é de case 4 euros.

relacionada Este mes volve subir o butano outro 5% máis
relacionada A bombona de butano sobe este martes por terceira vez en 6 meses

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1


Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress