Máis de dous millóns de pasaxeiros viaxarán no avión de homenaxe a Rosalía de Castro

Norwegian Air xa instalou a imaxe da poetisa Rosalía de Castro no seu Boeing 773-800, asignado á súa filial irlandesa Norwegian Air International, un avión totalmente novo co que a compañía pretende transportar a preto de dous millóns de pasaxeiros en marzo en voos de curto e medio radio, segundo informou a aerolínea nun comunicado.

A aeronave, con matrícula EI-FVL, foi fabricada na sede de Boeing en Seattle (Estados Unidos), para daquela ser trasladada ao hangar que ten a compañía en Oslo, onde se lle inseriu a imaxe da escritora galega, sexto personaxe da historia e literatura española que adorna os avións da 'low cost' europea.

Coa devandita incorporación, a compañía norueguesa quere reivindicar o seu dobre papel na recuperación do galego como lingua e na emancipación da muller, segundo afirmou o responsable de márketing de Norwegian en España, Miguel Urresti.

Coa incorporación de Rosalía de Castro, xa son 85 os personaxes históricos que decoran as colas dos avións de Norwegian Air, entre os que se atopan Cristóbal Colón, Juan Sebastián Elcano, Miguel de Cervantes, Gloria Fuertes ou Clara Campoamor, entre outros.