Catro feridos nun accidente en Vilaboa, entre eles unha nena de dous anos
O sinistro tivo lugar na estrada a Acuña, á altura de Postemirón.
Tres adultos e unha nena de dous anos resultaron feridos na tarde deste mércores nun accidente de tráfico rexistrado en Vilaboa (Pontevedra).
O 112 informou de que se lle trasladou que o vehículo no que circulaban quedou atravesado na vía. O sinistro tivo lugar na estrada a Acuña, á altura de Postemirón.
Foi un particular o que trasladou o ocorrido ao 112 Galicia ás 15,30 horas desta tarde.
Para acudir ao momento, mobilizouse a Urxencias Sanitarias de Galicia-061 e aos bombeiros do Morrazo. A situación tamén se puxo en coñecemento de Protección Civil, da Policía Local e da Garda Civil de Tráfico.
Ata o lugar do accidente trasladouse unha ambulancia para asistir aos feridos.
Escribe o teu comentario