Conceden a Marcial Dorado o seu primeiro permiso penal
O narcotraficante leva oito anos no cárcere, onde cumpre unha condena de 16 por un alixo de cocaína e branqueo de diñeiro.
Institucións Penais concede a Marcial Dorado o seu primeiro permiso penal tras oito anos en prisión. O narcotraficante, coñecido polas súas polémicas fotografías xunto ao presidente da Xunta Alberto Núñez Feióo, foi detido en Vilagarcía de Arousa en novembro de 2003 e condenado en 2009 a 10 anos de cárcere por tráfico de estupefacientes, despois de que tratase de introducir en España máis de seis toneladas de cocaína no barco 'South Sea'.
Cumpre, ademais, outra condena de seis anos por branqueo. Este primeiro permiso confirmouno a parella do condenado, tal e como apuntan varios medios de comunicación, que espera que se produza de forma inmediata.
O arousán, que está no centro penal de Villabona, en Asturias, poderá visitar Galicia e atoparse coa súa familia, aínda que noutros casos os permisos penais concedidos a outros narcotraficantes lles impedían facelo.
Prisión para catro detidos por narcotráfico nunha operación en Galicia e Madrid
Desmantelan unha rede de tráfico de heroína que operaba desde Galicia e Madrid
Escribe o teu comentario