Polémico novo ascenso de Eloína Núñez na sanidade galega

A curmá de Feijóo e ata agora xerente xeral do Complexo Hospitalario de Ourense pasa a encargarse do Complexo Hospitalario compostelán, primeiro centro de referencia da sanidade galega.


|

Feijoorobertredford


Este mércores facíase público algún movemento nas xerencias dos principais hospitais galegos que situaban ao ata agora encargado do CHUAC, Francisco José Vilanova, fóra do mapa, cuxo substituto é o que fora xerente do CHUS, Luís Verde. Ao día seguinte coñeciamos a panorámica ao completo: entre os movementos máis destacados estaba o ascenso da ata agora xerente do Complexo Hospitalario de Ourense, Eloína Nuñez, que pasa a encargarse do CHUS, o centro de referencia da sanidade galega. Con todo, o ascenso en prestixio non leva un aumento de soldo, que será exactamente o que xa cobraba en Ourense: 96.648 euros brutos anuais.


Este movemento resulta sospeitoso non só porque se trate da curmá do presidente Feijóo, senón porque Eloína é unha figura cada vez máis contestada na contorna do CHUO, despois de que este nadal se reportasen numerosos casos de colapsos nas urxencias que foron atribuídas pola comisión do centro á "incompetencia" da xerencia.


Concretamente, no pleno parlamentario do mes de decembro, Vázquez Almuíña foi preguntado respecto deste tema polo PSdeG, e En Marea trasladou outra vez a controvertida cuestión a través de Eva Solla. Nesta ocasión apuntábase directamente á curmá do presidente como culpable da situación das urxencias ourensás, aludindo a "queixas" dos profesionais deste servizo polas "malas condicións" desta área así como pola "deficiente xestión" da responsable da Xerencia de Xestión Integrada de Ourense, Eloína Núñez.


En xaneiro deste ano, o persoal do centro denunciou tamén a conversión de habitacións individuais de oncoloxía e paliativos en salas de urxencias, con varios pacientes hacinados. O Sergas admitiu o feitos pero achacándoos á epidemia de gripe, argumento que os traballadores rexeitan dada a previsibilidade desta efímere anual. "Non é a gripe, son os recortes", dicían.


O diario Público faise eco na súa versión dixital das reaccións por parte da Plataforma Galega de Defensa da Sanidade Pública ante o novo nomeamento: "Chama a atención que a unha persoa que tivo unha xestión tan negativa se lle dea un posto así. O único mérito que lle podemos entender é que sexa familia de alguén".


O mesmo diario traslada que o sentimento de rexeitamento ante o ascenso de Eloína é extensible ao BNG, que pediu en numerosas ocasións a súa dimisión "por ineficiente" e que ve este movemento de Feijóo como unha demostración da "fase de auténtica soberbia na que se instalou o goberno do PP" e incide en que o nepotismo é "non só biolóxico senón ideolóxico", pois "prémiase ás persoas que aplican máis fielmente o plan de desmantelamento da sanidade pública".

relacionada SOS Sanidade Pública, ante os colapsos: "Non é a gripe, son os recortes"
relacionada O Sergas renova os xerentes da Coruña, Santiago, Ourense e Pontevedra
relacionada ​Sanidade defende que o CHUO conta con "capacidade adecuada" para atender as urxencias

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE