Os aeroportos galegos atenderon a 25.000 pasaxeiros con mobilidade reducida en 2016

|


Aenaaeropuertos


Os tres aeroportos galegos atenderon durante o pasado ano nas súas instalacións a máis de 25.000 pasaxeiros con mobilidade reducida, unha cifra que supón un 11,3 por cento máis de asistencias que en 2015.


Segundo informou Aena, o Aeroporto de Santiago, con maior tráfico de pasaxeiros, é o que atendeu tamén a un maior número de pasaxeiros con mobilidade reducida, un total de 12.327. Pola súa banda, o Aeroporto de Vigo realizou durante o pasado ano 8.383 asistencias e o Aeroporto da Coruña 4.310.


Os tres aeroportos contan con puntos de encontro debidamente sinalizados, tanto dentro como fóra dos edificios terminais. "Nestas localizacións, as persoas con discapacidade ou mobilidade reducida poden, sen dificultade, anunciar a súa chegada ao aeroporto e iniciar a súa asistencia", destacou Aena.


O Servizo de Asistencia a Persoas con Mobilidade Reducida (PMR), tamén denominado 'Sen Barreiras', ofrécese de forma gratuíta en todos os aeroportos con voos comerciais de Aena e garante que todas as persoas poidan gozar do transporte aéreo con independencia da súa discapacidade ou problema de mobilidade.

relacionada Aena instala medidores de percepción de calidade nos tres aeroportos galegos
relacionada Os aeroportos de Santiago e A Coruña crecen en pasaxeiros e Vigo cae un 1%

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial
Powered by Bigpress