Aena instala medidores de percepción de calidade nos tres aeroportos galegos
Os dispositivos teñen catro botóns de cores cos que o pasaxeiro pode deixar constania da súa satisfacción.
Aena instalou, nos tres aeroportos galegos, unha serie de dispositivos co fin de medir a percepción que teñen os pasaxeiros e usuarios sobre a calidade dos servizos que facilita nas instalacións aeroportuarias.
Segundo informou a entidade, trátase de dispositivos dotados con 4 botóns de cores -que van do verde a vermello-, situados en filtros de seguridade, salas de recollida de equipaxes e aseos, entre outros puntos, onde o pasaxeiro pode deixar constancia da súa satisfacción polo trato ou servizo recibido pulsando un destes botóns.
O sistema permite medir o grao de satisfacción do pasaxeiro sobre un servizo concreto, ademais de detectar aqueles fallos que se poidan detectar. "Os resultados destas enquisas interactivas levadas a cabo por Aena contribuirán a coñecer de primeira man as necesidades dos usuarios", dixo a entidade, que busca "identificar e modificar aqueles aspectos que afecten á calidade dos servizos".
Os aeroportos de Santiago e A Coruña crecen en pasaxeiros e Vigo cae un 1%
O aeroporto de Lavacolla recibirá o nome de Rosalía de Castro
Escribe o teu comentario