O PSOE coruñés xa ten novo portavoz no Concello
O concelleiro José Manuel García ocupará o posto que deixou vacante coa súa dimisión José Manuel Dapena, que segue sendo edil.
Os socialistas elixiron este xoves o concelleiro José Manuel García como portavoz no Concello da Coruña, segundo informan nun comunicado.
Na reunión, á que asistiu Pilar López Riobóo en representación da comisión xestora, puxéronse sobre a mesa as conclusións do encontro mantido o mércores pola propia xestora e as valoracións dos concelleiros, explica nun comunicado esta formación.
Finalmente, José Manuel García foi designado portavoz do Grupo Municipal Socialista para ocupar un posto que estaba vacante desde a dimisión, á fronte da portavocía, do tamén edil José Manuel Dapena. A súa dimisión supuxo tamén a renuncia de Mar Barcón á fronte da secretaria xeral da Agrupación Socialista coruñesa.
Escribe o teu comentario