O sector 'errejonista' defende en Vigo un Podemos "máis descentralizado"

|

ErrejonistasvigoDebate errejonista en Vigo. // Foto: @marcoscal_ twitter


Membros de 'Recuperar a ilusión', a candidatura liderada polo secretario político de Podemos, Íñigo Errejón, para a II Asemblea Cidadá da formación morada, chamaron a conseguir un partido "máis descentralizado, máis plurinacional, máis feminista e, sobre todo, con máis poder para os territorios", xa que isto último "é moi importante para Galicia".


Nun acto en Vigo celebrado na tarde deste domingo, as deputadas no Congreso Ángela Rodríguez 'Pam', Nagua Alba e Àngela Ballester indicaron que a asemblea estatal que celebrará a formación morada, coñecida como Vistalegre II, debe servir para conseguir un Podemos que "sexa útil desde xa para a xente".


Así, a secretaria xeral de Podemos en Euskadi, Nagua Alba, asegurou que "é fundamental" que "se escoiten voces femininas" que "non veñan de Madrid" para poder "construír un partido máis plural e no que se escoiten propostas que veñan dos diferentes territorios".


"Cinco millóns de persoas confiaron en nós nas eleccións xerais e temos que estar á altura, o que implica que desde a oposición nos esforcemos para cambiar a súa vida a mellor", remarcou Alba.


Pola súa banda, a deputada por Valencia e candidata ao Consello Cidadán Estatal Àngela Ballester incidiu en que Podemos debe "adaptarse" ao "novo ciclo político" para "ser útiles á cidadanía".

relacionada Carolina Bescansa deixa a primeira liña de Podemos e colócase "á marxe" de Vistalegre
relacionada Bescansa non se fía de que se respecte o que pacten en Vistalegre II
relacionada Iglesias quere a Errejón ao seu lado "pase o que pase" en Vistalegre

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress