Evacuado en helicóptero tras quedarlle as pernas atrapadas baixo un palé de 1.800 quilos
O operario traballaba nunha nave do polígono de Monte Faquiña cando tiveron lugar os feitos, e foi trasladado ao HAC.
Un traballador foi evacuado en helicóptero a un centro hospitalario tras quedarlle atrapadas as pernas debaixo dun palé duns 1.800 quilos no polígono industrial en Mos (Pontevedra).
Segundo informou o 112 Galicia, os feitos tiveron lugar nunha nave do polígono Monte Faquiña sobre as 11,00 horas deste mércores. Urxencias Sanitarias de Galicia-061 informou do sucedido ao CAE 112 Galicia, que mobilizou aos Bombeiros do Baixo Miño, quen acudiu cun equipo de excarceración e liberaron ao home.
Por parte do 112 Galicia informouse tamén á Garda Civil, á Policía Local e a Protección Civil.
En concreto, o 061 desprazou ao lugar, segundo sinalaron a Europa Press fontes sanitarias, un médico de Atención Primaria, unha ambulancia asistencial e o helicóptero medicalizado con base en Ourense, que finalmente evacuou ao traballador ao Hospital Álvaro Cunqueiro (HAC) de Vigo.
Xaneiro conclúe con 7 mortos en 7 accidentes de tráfico en Galicia
Escribe o teu comentario