Comprar unha vivenda queda libre de impostos en case 3.500 parroquias
Máis do 90% dos núcleos de poboación do rural inclúense no programa de 'impostos cero'. Neles vive un terzo dos galegos.
O presidente da Xunta, Alberto Núñez Feijóo, anunciou este xoves que un total de 3.462 parroquias, o 91,3%, beneficiaranse do programa de impostos cero para a adquisición de vivendas no rural.
Feijóo fixo este anuncio na rolda de prensa posterior á reunión semanal do Consello da Xunta, onde destacou que con esta medida, o seu Executivo cumpre "un dos compromisos electorais" adquiridos antes das pasadas autonómicas.
Segundo explicou o máximo mandatario autonómico, o obxectivo é "delimitar todas as zonas rurais pouco poboadas, independentemente do concello no que se atopen". "Pode haber municipios moi poboados pero parroquias no ámbito deses concellos moi pouco poboadas", sinalou.
Deste xeito, estas 3.462 parroquias beneficiaranse da "rebaixa fiscal" posta en marcha polo seu Goberno. "O total do territorio onde se pode comprar unha vivenda con impostos cero é o 91,3%, onde vive case o 33% da poboación", sinalou.
A Oficina Técnica da Seca recomenda o "uso responsable" da auga en Galicia
Aumentan nun 14% os fondos das axudas para a prevención de incendios en montes veciñais
Escribe o teu comentario