Theresa May confirma que o Reino Unido deixa o mercado común europeo

|

Theresa may


A primeira ministra británica, Theresa May, deixou claro que o Reino Unido vén de tomar a decisión de abandonar a UE.


Por tanto, o que quere é un acordo que sexa vantaxoso e en ningún caso ser un "membro parcial" do bloque.


No seu esperado discurso para expoñer as prioridades que se fixou o seu Goberno para a negociación do Brexit coa UE, May asegurou que quere que "o Reino Unido emerxa deste período de cambio máis forte, xusto, máis unido e mirando cara adiante máis que nunca".


Que os británicos optasen para abandonar a UE non quere dicir, asegurou a primeira ministra, que "queiramos afastarnos dos nosos veciños e amigos" nin tampouco é "un intento de danar á UE" ou un rexeitamento dos valores compartidos.


Así, sostivo que "seguiremos sendo socios fiables, aliados dispostos e estreitos amigos. Queremos comprar os vosos produtos, vendervos os nosos, comerciar convosco o máis libremente posible, e traballar uns con outros para asegurarnos que todos estamos máis seguros e somos máis prósperos mediante unha amizade continuada".


Pero para iso, o que busca o Reino Unido é "unha nova alianza en pé de igualdade, entre un Reino Unido independente, autogobernado e global e os nosos amigos e aliados á UE".


Segundo explicou, non quere que o seu país sexa "un membro parcial" ou que goce dun acordo de asociación ou "algo que estea cun pé dentro e outro fóra". "Non buscamos adoptar un modelo do cal xa gozan outros países", puntualizou, descartando que se poida usar para o Reino Unido o modelo de relación que a UE mantén con outros socios.


"O Reino Unido está a deixar a Unión Europea. O meu traballo é conseguir o acordo correcto para o Reino Unido mentres o facemos", asegurou May.


Á vez, a primeira ministra avanzou que o acordo final será sometido a votación no Parlamento británico, asegurando que tratará que o proceso de negociación sexa sometido ao escrutinio adecuado.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress