Un descomunal Tavares brinda ao galego Alberto Abalde a súa primeira liga co Madrid (81-74)

O caboverdiano callou unha final histórica cun dobre-dobre: 25 puntos e 13 rebotes para liquidar ao Barça.

 


|

O caboverdiano callou unha final histórica cun dobre-dobre: 25 puntos e 13 rebotes para liquidar ao Barça.

 

Contra prognóstico, os de Pablo Laso, aínda convalecente, levaron o título da ACB no cuarto partido.

 

Real madrid
Real Madrid

Era unha final e Eddy Tavares actuou como tal. O xigante de Cabo Verde, apoiado por un sensacional Causeur, deixou o campionato da ACB en Madrid, sen opción de que o Barça forzase o quinto e definitivo partido. Co 81-74 final, os brancos amarraron unha liga que se lle resistía nos últimos anos. 

 

O equipo de Jasikevicius foi sempre a remolque dos da capital, que dominaron a serie desde o primeiro partido cun armazón defensivo que secou ao Barça a pesar das súas numerosas baixas. Aínda que necesitados dunha reconstrución este verán, os viquingos demostraron ser capaces de sobrepoñerse á adversidade xusto cando parecían abocados a un ano nefasto.

 

Causeur matou os azulgranas nos minutos finais cun triplo e un 2+1 que mandou aos cataláns á lona. Mirotic, Calathes e un sobervio Dante Exum -cada vez máis inexplicable a súa ausencia nos dous primeiros partidos en detrimento de Nigel Hayes ou un hoxe desaparecido e falto de ritmo Cory Higgins- foron dos poucos que deron a cara nun Barça que, unha vez máis, pégalla no momento decisivo.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE