A pandemia evoluciona en Galicia, cada vez máis preto dunha tendencia explosiva que arrastraría aos hospitais


|

Outro sábado de cifras realmente malas en Galicia con relación á pandemia, que non pasou. Nin moito menos. Así o refire os máis de mil contaxiados na última actualización do SERGAS. É o cuarto día consecutivo no que os novos positivos superan o limiar do milleiro. 

 

Como podemos ver, a transmisión segue crecendo, e a un ritmo cada vez maior, aínda que sen ser o episodio explosivo de ondas pasadas. Si falamos dunha nova onda, como xa ocorreu, por exemplo, ao comezo do verán pasado. Entón gran parte da poboación, sobre todo os máis novos, non tiñan nin unha soa dose da vacina. Agora o groso da poboación conta ou coa pauta completa ou xa pasou a enfermidade. 

 

Pola outra banda, hai que considerar que a alza de casos empézase a percibir tamén nos hospitais, que hoxe suman unha ducia máis de ingresados por Covid-19. Afortunadamente, os niveis en UCI non son alarmantes nin están preto de selo, pero é certo que, co verán tan preto, pode haber colapso nos hospitais pola falta de mans para atender a demanda dos usuarios. 

 

Covid 19
Covid 19

A incidencia acumulada semanal sobe seis puntos, como fixo onte, ata 248 positivos por 100.000 habitantes. A incidencia acumulada a 14 días tamén crece, prto nove puntos. O índice semanal leva crecendo sen descanso dezaoito días, o bisemanal doce. 

 

O dobre da incidencia a 7 días segue sendo notablemente maior que a incidencia a 14 días.  A razón de taxas é de 1,1, o que significa que está igual que onte, pero tanbién que na última semana houbo un 10% de positivos máis que na penúltima. O empeoramento acelerou de maneira notable esta semana, pois o sábado pasado estabamos nun +3%.

 

A taxa de positividade onte escalou por encima do 45%. É unha cifra alarmante que con todo non impide o esborralle da media semanal ata o 34%. 

 

TRES CAMBIOS DE MÉTODO ESTES MESES

Hai que lembrar que co sistema implantado, só fanse probas a persoas maiores de 60 e colectivos especialmente vulnerables, enfermos de cancro ou asmáticos, por exemplo. Tamén ha profesionais sanitarios e traballadores de residencias.

 

Agora tampouco se suman os positivos de autotest caseiros, que eran maioría no anterior sistema. Isto provoca que os índices de sexan moitísimo máis baixos do que é a transmisión real. 

 

O cambio de método de seguimento da transmisión produciuse a finais de marzo. Houbo outro cambio de forma de contar posterior, en hospitalización. O SERGAS reduciu o número de días que unha hospitalizado conta como enfermo de covid. Isto reduciu artificialmente a cifra de hospitalizados executouse na penúltima semana de abril.

 

Nos últimos meses houbo un terceiro cambio estatístico produto da polémica estratexia de 'gripalización', en falecementos. A finais de maio a Xunta deixou de contar todos os mortos con covid. O SERGAS agora só informa dos decesos nos que considera que o coronavirus xogou un papel crave, algo que non deixa de ser moi subxectivo. Isto tamén provocou a rebaixa artificial da curva de falecementos.  
 

Uns falecementos que, folga dicir, séguense sucedendo. Tres decesos máis en só 24 horas, que elevan a tráxica cifra de mortos por Covid-19 en Galicia ata os 3.556 falecidos desde o estalido da crise sanitaria. 

 

EVOLUCIÓN DOS CASOS ACTIVOS

O total de infectados ascende hoxe un +2%. O que máis importa, que é a media móbil a sete días, segue empeorando.   

 

Covid 19
Covid 19

Esta derivada da curva de casos activos permítenos estimar que velocidade ten a pandemia. Ao estar sobre cero, sabemos que estamos a empeorar. O ritmo de alza actual, 2,16%, é considerable e está a acelerar. Está lonxe, pero cada vez máis preto, da explosión que sufrimos na primavera, onde superamos o 3%. Nas últimas horas foron 288 casos activos máis; 2.219 en só cuatrodías. 

 

Covid 19
Covid 19

DATOS POR ÁREAS

Na curva de casos activos por distritos sanitarios apréciase cada vez máis nítidamente o cambio de tendencia a peor. Outra xornada máis que todas as áreas suman casos activos, aínda que Santiago, por exemplo, apenas engade 2 máis aos seus algarismos. Onde máis se aprecia hoxe é en Lugo, con 65 máis. 

Covid 19
Covid 19

ANÁLISE ACTUAL E EVOLUCIÓN POSIBLE

Con estas estatísticas, a inferencia que se pode realizar é:

  • Non hai ningunha dúbida de que estamos xa de cheo nunha nova onda da pandemia tras catro días crecendo e recuperando os máis de 11.000 casos activos. A última vez que houbo tantos positivos foi o 20 de maio. 
  • Os niveis de transmisión son altos, pero non, polo menos non aínda, tan descomunais como foron esta primavera. Ao ritmo de crecemento de casos activos pásalle o mesmo. Xa é alto, pero aínda non o que soportamos en abril e, de feito, hoxe mellora parcialmente, en parte polas habituais altas dos venres. 
  • O problema é que, en teoría, non ven cambios nas circunstancias que impidan que cheguemos a aquelas velocidades de empeoramento. Hai que lembrar que a pasada onda levounos a ter case 900 hospitalizados en planta. 
Covid 19
Covid 19
  • Pode o SERGAS manexar 900 ingresados por covid en pleno verán cando gran parte dos médicos están de vacacións? Poder, pode. Chegou a xestionar máis de 1.300 nos peores momentos. Agora ben, xamais tivo que lidar con tantos enfermos en época de vacacións. Está por ver se a actual crise non provoca que se cancelen permisos, aínda que o peche de camas xa está a ter lugar.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE