A Administración local de Galicia oferta 6.988 prazas para estabilizar o emprego público temporal

Sumarán un total de 264 convocatorias, sendo a Administración co número máis alto de ofertas. 

A Administración local de Galicia oferta máis prazas coa intención de estabilizar o emprego público temporal na comunidade. 

Fonte: Europapress.

A UGT fixo un seguimento nos BOP e DOG de cada concello para analizar o número de ofertas de emprego en cada un deles. Así, o cómputo total de ofertas ascende a 264 convocatorias e  6.988 prazas, que se distribúen nas provincias en cantidades aparentemente proporcionais. 

Con todo, a Coruña alcanzará unha estabilización do 73,1% cun total de 2160 prazas. Esta será a provincia co índice porcentual máis baixo de todas, seguido de Pontevedra e Lugo co 83,6% (1799 prazas) e 85%  (1240 prazas) sucesivamente. Por último, Ourense será a provincia máis beneficiada alcanzando unha estabilización case completa (95,6%) con 1.789 prazas.

Segundo informa UGT, a Administración Local é a máis afectada pola temporalidade do emprego público, xa que se trata da administración que máis prazas oferta en comparación coa autonómica, a central, a do Sergas ou a do ensino.  

Así mesmo, a aplicación da Lei 20/2021 de redución da temporalidade atenderá a as administracións públicas, deputacións, concellos e organismos dependentes dos entes locais. Respectivamente, esta lei establecía o prazo de formalización da Oferta Pública de Emprego (OPE) ata o  31 de maio de 2022.