A USC celebra a gradación da promoción de enfermería 2018/22, tan necesaria na loita contra a Covid-19

Este venres se graduaron os alumnos do Grao de Enfermería da Universidade de Santiago de Compostela nun acto solemne para os estudantes e as súas familias.

A enfermería é unha das profesionais máis demandadas na universidade compostelá nun momento de evidente urxencia de dotar de máis enfermeiros e enfermeiras á sanidade pública galega.

Gradación de Enfermería | Foto: @UscEnfermeria  

Centos de alumnos abandonan estas semanas as aulas para cumprir o seu soño de converterse, por fin, en profesionais de Enfermería. Esta fin de semana a USC celebra a gradación da promoción 2018-22, uns enfermeiros e enfermeiras que cando entraron na universidade o mundo era moi distinto a como o coñecemos hoxe. Entre medias, unha pandemia mundial ha azoutado a todo o planeta e fixo que o seu sector sexa, se cabe, aínda máis importante. 

Dos pupitres saen coa lección aprendida e con máis experiencia da que cabería esperar despois de dous anos complicados. Algúns deles foron os que participaron en cribados durante o máis cru da pandemia e serviron de reforzo a unha sanidade pública saturada e exhausta. Agora eles serán os que, en moitos casos, sexan a substitución dos máis veteranos, sempre que aproben os exames correspondentes.

PRECARIEDADE E IMPORTANCIA

A importancia do seu labor quedou clara nestes dous últimos anos, como explicaba hai pouco Malules Carbajo, secretaria autonómica de SATSE en Galicia. "Queremos pensar que antes da pandemia xa ninguén o dubidaba pero agora, despois de todo o sucedido, é algo irrefutable. As enfermeiras e enfermeiros somos piar, referente e motor do noso sistema sanitario. Somos axentes de saúde, si, pero tamén de riqueza e progreso para a nosa sociedade", razoaba.

Nesas mesmas liñas, Carbajo tamén debullou a precaria situación que viven moitos profesionais de enfermería, empuxados, nalgúns casos, a abandonar o país en busca de oportunidades laborais ou, mesmo, a deixar a profesión na que se formaron. "Non queremos outra cousa que poder traballar con suficientes medios e recursos en contornas seguras e saudables que nos permitan realizar o noso labor sen sobrecarga, tensión e pésimas e precarias condicións, as cales, ao final, repercuten negativamente na nosa saúde e seguridade e na dos pacientes", reflexionaba.

"É certo que estamos cansos, saturados e desanimados, tras constatar que os nosos responsables públicos e políticos xa se esqueceron de todo o prometido para mellorar a sanidade e aos seus profesionais, pero tamén o é que estamos moi orgullosos do noso labor asistencial e de coidados antes e durante a pandemia", di Carbajo. Agora é a quenda dos novos enfermeiros e enfermeiras, encargados de recoller esa difícil testemuña.