Prisión para o octoxenario de Vigo acusado de asasinar á súa muller, de 81 anos, en Arona, Tenerife

Os feitos ocorreron o pasado mércores, nos Cristiáns, no municipio tinerfeño de Arona. 

O investigado, de 83 anos, está acusado de un delito continuado de malos tratos e outro de asasinato polas agravantes de aleivosía, parentesco e agravante de xénero.

Foto: EP

O Xulgado de Instrución número 4 de Arona, este sábado en funcións de garda, decretou o ingreso en prisión provisional, comunicada e sen fianza de Anxo M.S., de 83 anos, que presuntamente acabou coa vida da súa esposa, Clotilde, de 81 anos, o pasado mércores nos Cristiáns.

Segundo informaron fontes do TSJC, impútaselle un delito continuado de malos tratos e outro de asasinato polas agravantes de aleivosía, parentesco e agravante de xénero. Nos próximos días o órgano xudicial inhibirase a favor do Xulgado de Violencia sobre a Muller do mesmo partido xudicial.

O acusado, de orixe galega, foi detido pola Policía Nacional unha vez abandonou o hospital, onde estaba custodiado. Sobre o matrimonio galego, que pasaba tempadas de vacacións no sur da Isla, non pesaban denuncias por malos tratos.

Numerosas administracións canarias e galegas celebraron concentracións e minutos de silencio en repulsa polos feitos.