Campus Santi Valladares abre o prazo de inscrición para novas actividades infantís de fútbol sala no verán

O evento terá lugar entre o 1 e o 15 de xullo, con diferentes tarefas e xogos en cada unha das xornadas.

Cada día recibirán a visita dunha persoa referente a nivel nacional e internacional de esta disciplina deportiva. 

Entrega de diplomas na edición anterior / Foto: F.C. Meigas

O Campus Santi Valladares volve convocar outra edición de actividades pedagóxicas para que o público infantil poida adquirir novas habilidades no fútbol sala.  A iniciativa estará organizada novamente polo F.C. Meigas e a EFS Trasgos, quen asegura repetir tras o gran éxito de inscricións o ano pasado. Así mesmo, a súa dirección e coordinación correrá a cargo das coñecidas figuras Santi Valladares e Diego Montero.

PROGRAMA

As actividades terán o seu comezo o 1 de xullo e estenderanse ata o día 15 dese mesmo mes. Ademais, contarán coa presenza de referentes deste deporte como son Tere Pereiro, 

Santi Valladares Jr, Ale de Paz, Pola, David Pazos, Diego Quintela, Iván Rumbo, Pirata e Alberto Mirás.  Tamén participarán no ensino lúdico persoas do equipo técnico como son Santi Vai:lladadares, Mon Barreiro, Tomás de Deus, Adri Martiño e Morenín e o Doutor Jesús Marque.

Os equipos que organizan o evento afirman que alí practicarán e perfeccionarán o fútbol sala e que todos os xogos estarán acompañados de moitas sorpresas e diversión. Ademais, o equipo de monitores abordarán novos xogos como o Colpbol, Flagfootball ou o Kinball, e recibirán durante as actividades unha merenda nutritiva para recuperar a enerxía. 

O último día organizarán as autodenominadas Olimpidas Meigas e Trasgos, unha simulación dos Xogos onde prevalecerá o traballo en equipo e as habilidades para superar os diferentes desafíos. A xornada terminará coa entrega de diplomas que elabora o propio campus, impartidos por Santi Valladares e un representante de o Concello de Ames.  

IDADES, HORARIO, OBXECTIVO

A este campamento diúrno poderá inscribirse un público infantil de entre 4 e 14 anos e  deberán acudir a o Pavillón Municipal de Bertamiráns. O horario das actividades será polas mañás, de 09:00 horas a 14:30 horas. A finalidade, aseguran, é facerlles pasar un bo intre e compartir novas experiencias e anécdotas. Tamén haberá xogos e baños na piscina, en consonancia coa data estival na que se desenvolverá o evento.

Para poder anotarse, o F.C. Meigas abriu un formulario na súa páxina web ao que xa se pode acceder. Tamén se pode contactar co campus a través do seu número móbil 621 043 327 ou redes sociais.  Os organizadores ofrecen un desconto no prezo do 5% a xogadores do club e ás persoas que formalicen a súa participación antes do 15 de xuño.