Algunhas das entradas para ver a xira de despedida Joan Manuel Serrat en Galicia (Vigo e A Coruña) xa están á venda

Os pases para o concerto da xira "O Vicio do Cantar" na Coruña o 8 de xullo xa se poden comprar desde 50 euros en liña na web do Corte Inglés. 

As entradas para o concerto de Vigo, confirmado hoxe por Abel Caballero e que figura na relación de concertos en web do artista, aínda non están dispoñibles.

O cantautor Joan Manuel Serrat actuará en Vigo o próximo 10 de xullo, no auditorio municipal de Castrelos, onde recalará no marco da súa xira de despedida 'O vicio de cantar. 1965-2022', segundo avanzou en rolda de prensa o alcalde, Abel Caballero.

Serrat, quizais o cantante español con maior poryección a nivel internacional, abrirá a súa xira de adeus en Estados Unidos. En concreto, será no Beacon Theatre de Nova York o 27 de abril. Dirá adeus definitivamente en casa, pois o circuíto  finalizará o 23 de decembro no Palau Sant Jordi de Barcelona. Entre medias, o 10 de xullo, actuará no escenario de Castrelos e dous días antes no Coliseum da Coruña. 

OUTROS ARTISTAS PARA O VERÁN DE CASTRELOS 

Con esta actuación dun artista "inigualable" en palabras do edil olívico, son xa 9 as actuacións confirmados para a programación de verán no parque da cidade de Vigo.

Así, ademais de Serrat, estarán en Vigo Sebastian Yatra (13 de xullo), Love of Lesbian (29 de xullo), Tanxugueiras (30 de xullo), Leiva (4 de agosto), Sting (6 de agosto), Lola Índigo (8 de agosto), Homes G (14 de agosto) e Raphael (16 de agosto).