A Xustiza dita prisión para os cando botaban unha narcolancha en Vilaboa este sábado

A embarcación dispón de todo o requirido para descargar droga: un gran depósito de combustible, moita pontencia, inhibidores de frecuencia e víveres para unha longa viaxe.

 

O Xulgado de Instrución número 3 de Cangas do Morrazo (Pontevedra) decretou o ingreso en prisión para os dous homes detidos o pasado sábado en Vilaboa cando trataban de botar unha narcolancha con inhibidores de frecuencia lista para realizar unha descarga de droga.

Tal como informou a Garda Civil, os homes son un veciño de Torrelavega (Cantabria), de 47 anos de idade, e outro de Vilagarcía de Arousa (Pontevedra), de 48 anos, ambos os detidos como presuntos autores dun delito de contrabando. Os dous posúen antecedentes policiais por narcotráfico.

Os feitos ocorreron na madrugada do pasado sábado, día 12 de febreiro, cando se detectou un camión articulado no peirao do Porto de San Adrián de Cobres (Vilaboa, Pontevedra) tratando de levar a cabo a botadora ao mar dunha planadora.

A embarcación intervida dispoñía de ao redor de 8.000 litros de combustible distribuídos en 160 garrafas, ademais de contar con inhibidores de frecuencia, dispositivos de comunicación vía satélite, 7.000 euros en metálico e aprovisionamento de alimentos para unha "longa" travesía, segundo recolle a Benemérita, que indica que "con toda probabilidade" estaba relacionada co tráfico de drogas, con capacidade de transportar ata 2.500 quilos.

Tras confeccionarse as oportunas dilixencias, ambos os detidos foron postos a disposición xudicial e decretouse o seu ingreso en prisión.